Viktoría og Árni Páll

Eftir Bjarka Karlsson

Um þann hræðilega atburð þegar Edward Oxford sýndi Viktoríu Bretadrottningu banatilræði sem tókst ekki betur til en svo að drottning ríkti í 61 ár eftir það.

Drottningin drambi firrta
svo dýrleg með hreina sál,
Viktoría hin virta,
voldug – en laus við prjál.
Þó vildi þessa myrta
þrjótur með svik og tál,
svo heimsveldis bliknaði birta
er byssunnar hæfði stál.
Ei náði í ál þó að syrta,
sú eilífa reyndist of hál.
– Eins er með Árna Pál.

Bjarki Karlsson