Ritstjóri Herðubreiðar 28/10/2018

Úr hrundum borgum

þegar peningatankur

Íslandsbanka

við Lækjargötu

var rifinn

 

stóðu

steypustyrktarjárnin eftir

 

og krulluðust út í loftið

 

skurðgröfur

tættu stoðkerfið

sundur

 

og steypustyrktarjárnin

stóðu út í loftið eins og taugaendar

 

ofurviðkvæmir nemar

sem vældu þegar vindurinn

þaut hjá

 

það er kallað

draugaverkur

þegar manneskja

skynjar sársauka

í lim sem hún hefur misst

 

ég sakna.

 

Haukur Ingvarsson, Vistarverur (Forlagið, 2018)

Flokkun : Ljóðið
0,502