trusted online casino malaysia
Spegillinn 20/10/2015

Kýlum á þetta

Speglinum hefur borist upptaka af símtali sem átti sér stað fyrir nokkrum dögum. Upptakan virðist eiga rætur í hlerunarbúnaði sem hrægammarnir settu upp á skrifstofu forsætisráðherra.Bjarni og Sigmundur

———-

Ritari: Það er samtal frá fjármálaráðherra.

Sigmundur Davíð: Núnú? Hvað vill hann núna? Jæja – tökum það. Hallú?

Bjarni Benediktsson: Sæll vertu.

SDG: Sæll, hvað segirðu?

BB: Fínt, en, sko, það er komin upp ný hugmynd frá þrotabúi Glitnis. Eða tillaga.

SDG: Jæja? Hver er hún?

BB: Þeir vilja – sko – í staðinn fyrir að láta okkur hafa peninginn, þá fáum við bara bankann. Íslandsbanka.

SDG: Ha? Eru þeir klikkaðir?

BB: Neeeii, ég held að þetta sé svolítið sniðugt.

SDG (heyrist hugsa): Þú segir nokkuð. Hérna… á ekki Íslandsbanki hlut í fullt af fyrirtækjum?

BB: Jú, alveg helling.

SDG: Og það þarf þá væntanlega að selja þau, er það ekki?

BB: Jújú, okkur ber beinlínis skylda til þess. Það eykur verðmæti bankans.

SDG: Jahá, þetta er athyglisvert. Hvað með bankann sjálfan? Það gengur ekki að ríkið eigi tvo af stærstu bönkunum.

BB: Nei, við þurfum auðvitað að selja hann líka.

SDG (glott heyrist færast yfir andlitið): Já, auðvitað, það stríðir örugglega gegn samkeppnislögum að ríkið eigi tvo banka.

Stutt þögn.

SDG: En Bjarni?

BB: Já?

SDG: Við sögðumst ætla að nota peningana frá kröfuhöfunum til að borga niður skuldir ríkissjóðs. Hvernig tökum við á því?

BB: Við segjumst auðvitað ætla að nota peninginn sem við fáum fyrir bankann til að borga skuldirnar. Það er enn frekari ástæða til að selja hann og mjög ábyrgt. Við stundum ábyrga hagstjórn, manstu?

SDG: Það er frábær hugmynd.

BB: En við höfum ekki mikinn tíma. Það þarf að taka ákvörðun núna og ganga svo hratt í verkin.

SDG: Hvers vegna? Hvað liggur á?

BB: Það er bara eitt og hálft ár til kosninga. Geturðu ímyndað þér hvað gerist ef vinstra liðið kemst í meiri hluta? Ég tala nú ekki um Píratavitleysingana – guð hjálpi okkur. Þeir myndu örugglega opna bókhaldið, fara í opin útboð og svoleiðis rugl.

SDG: Það er rétt. Ég fæ stundum martraðir um einmitt það. Heyrðu, en ókei, drífum bara í þessu.

BB: Ókei, ég sendi þér minnisblað.

SDG: Flott. [Stutt þögn.] En Bjarni?

BB: Já?

SDG: Er ekki í lagi að ég láti Finn vita? Þeir pabbi eru alltaf í góðum kontakt.

BB: Þó það þú væri, Sigmundur minn. Það er ekki ábyrgt að láta eigur ríkisins í hendur einhverra sem kunna ekki með þær að fara. Það vitum við báðir.

SDG (reynir að kæfa fliss): Ókei. Kýlum á þetta.

Spegillinn
Latest posts by Spegillinn (see all)
Flokkun : Pistlar
1,365