Íslandi allt! (Eða: Bréfið hans Munda)
Ég skrifa þér með Arial því Times er ekki til,
tengingin er léleg og Facebook er að deyja.
En þegar þú sérð skeytið þá veistu hvað ég vil
og veist að ég er kominn aftur heim – ja, svo að segja.
Ég sveik þig ekki viljandi og sendi þetta bréf
til að sýna þér að ég er ýmist hræddur eða gleyminn.
Til að segja, til að segja, að í huganum ég hef
hiklaust gefið viðtöl, en er svo voðalega feiminn.
Í guðsbænum þú verður að hafa ósköp hljótt
og huga vel að öllu, hvar þjóðin fer um veginn.
Leiddu mig til valda þegar lengja tekur nótt
og læðstu upp að kjósendum forheimskunnar megin.
Það grunaði engan neitt þarna í allra fyrsta sinn
og engir skildu baun hvað það var sem á þeim dundi.
Og ég þrái að ráða aftur! Nú veistu vilja minn
og veist að ég er heima.
Þinn elsku hjartans Mundi.
Aðalsteinn Svanur Sigfússon
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021
