Ritstjóri Herðubreiðar 04/06/2017

Hvítasunna: Blóð sést betur á hvítu

Hvítasunna (no.) = Fimmtugasti dagur páska að gyðinglegum sið. Þetta ´hvíta´ kom miklu seinna.Biblíusögur

Í kristnum bókum segir svo frá, að heilagur andi hafi komið í heimsókn til fylgissveina Jesúsar þennan dag og lostið þá slíku andríki, að þeir töluðu tungum og skildu loksins hver annan.

Þeir sem urðu fyrir þessum ólíkindum eru álitnir fyrsti kristni söfnuður sögunnar, sprotinn að sjálfri kirkjunni.

Hinir fjölþjóðlegu Rómverjar ákváðu svo að gera kristnina að sínum sið eftir fáein fjöldamorð hér og þar.

En spámaður þess sama guðs og gyðingurinn Jesús hafði verið að vinna með, arabinn Múhameð, gerði athugasemd við slík hindurvitni mörgum öldum seinna og taldi sig hafa mun réttari prókúru fyrir guðsríki en Jesús hefði nokkurn tímann haft.

Með þessu og fjölmörgu öðru upphófst margt meinið, en orðið ´hvíta´í hvítasunnu er hjá okkur hérna norður frá yfirleitt talið vísa til þess, að hinir fyrstu fylgjendur Jesúsar voru allajafna hvítklæddir.

Það er viðeigandi. Á slíkum klæðnaði sést blóð öðrum betur.

 

Flokkun : Orðið
0,487