Yfirtaka Framsóknar á DV

Það hefur verið þyngra en tárum taki að fylgjast með darraðadansinum í kringum DV.

Ríkir karlar reyndu að kaupa það til að losna við umfjöllun um sig. Hortugir lögmenn lögðum þeim lið. Stjórnmálamenn reyndu að koma blaðamönnum DV í fangelsi vegna gagnrýnnar fréttamennsku sem á endanum leiddi til afsagnar sí ljúgandi ráðherra og starfsliðs hennar.

Að lokum var það svo framsóknarflokkurinn sem tók blaðið yfir enda vantað tilfinnanlega fjölmiðil sem skilur þann undarlega flokk. Það er blátt áfram mógðun við lesendur DV og almenning í landinu að halda því fram að öðruvísi sé það.

Hafi einhver vafi leikið á því þá ætti pólitísk saga Björn Inga Hrafnssonar stjórnarformanns DV að duga til að eyða honum. Örli enn á efasemdum einhversstaðar á ráðning Eggerts Skúlasonar sem ritstjóra DV að blása þeim endanlega út í blásvart myrkrið. Annar fyrrverandi aðstoðarmaður forsætisráðherra borgarfulltrúi framsóknarflokksins og hinn svo pólitískur ráðgjafi þess fyrrnefnda, vonarstjarna framsóknar og tilnefndur sem fréttastjóri RÚV af hálfu flokksins á sínum tíma. Eða er það kannski gleymt?

Framsóknarflokkurinn hefur yfirtekið DV.

Svo einfalt er það.