Myndaalbúm Margrétar 17/07/2014

Þau og við

3b49142r

 

 

Myndin hér að ofan birtist fyrst í tímaritinu Puck  þann 21. ágúst árið 1878. Tímaritið var það fyrsta sem náði almennum vinsældum og útbreiðslu byggðri á pólitískri ádeilu, settri fram á myndrænu formi. Blaðið var gefið út á þýsku frá 1876 og ári síðar hófst útgáfa þess á ensku. Nafnið er að sjálfsögðu sótt í samnefnda persónu í leikriti Shakespears, „Draum á jónsmessunótt“ og einkunnarorðin „What fools these Mortals be!“ sömuleiðis.

Myndirnar út Puck eru frábærar heimildir um viðhorf þess tíma, siðferði í stjórnmálum, mál sem voru á döfinni og fleira. Oft segja þær meira en lesa má úr hefðbundnari heimildum, rétt eins og skopmyndir Halldórs Baldurssonar í Fréttablaðinu fela oft í sér dýpri greiningu á hinu súrealíska stjórnmálaástandi en sjá má í venjulegum fréttum og fréttaskýringum.

Stundum sýna þær okkur líka hve lítið hefur í raun breyst, hve lítið málin hafa þokast í rétta átt þótt meira en öld hafi liðið. Enn eru það innflytjendur og neytendur vímuefna (annarra en áfengis) sem mega búa við jaðarsetningu og skert mannréttindi. Getum við virkilega ekki gert betur?

Myndaalbúm Margrétar
Myndaalbúm Margrétar

Latest posts by Myndaalbúm Margrétar (see all)

0,467