Sviss

Sviss (sérheiti) = Sviss heitir formlega ekki Sviss, eins og frímerkjasafnarar þekkja.

Nafnið hefur þó verið notað síðan um 1500 og vísar til smábæjarins Schwyz og nágrennis. Það er rakið til hins forna sagnorðs að svíða og talið vitna um að skóglendi hafi verið brennt og hreinsað til að þar mætti byggja og rækta jörðina. Ef þetta er rétt, sem almennt samkomulag virðist vera um, eru Svisslendingar semsagt svíðingar.

Annað nafn, Helvetia, komst þó í notkun strax á 17. öld og öðlaðist smám saman sess sem hið formlega heiti landsins. Þannig birtist það á frímerkjum og sleginni mynt.

Helvetia dregur nafn sitt af Helvetum, sem voru gallískur þjóðflokkur eða þjóð, sem kemur mjög við sögu í skrifum Júlíusar Sesars um Gallastríðin. En það, eins og Stefán Pálsson myndi orða það, er nú önnur saga.