Sá sem guð er náðugur

Jóhanna (sérnafn): Orðið er komið til okkar úr latínu og þangað úr grísku.

Upphaflega er það hins vegar hebreskt, Yohanan eða Yehohanan, og er þekkt úr Biblíunni í karlkyns útgáfunni Jóhannes. (Jóhönnur eru þar engar, svo Herðubreið viti af.)

Nafnið merkir ´Sá sem guð er náðugur´ eða bara ´Guð er náðugur´.

Sú fallega merking hefur raungert sig hjá mörgum konum með þessu nafni, óháð öllum trúarbrögðum.

Við andlát hinnar stórmerku Jóhönnu Kristjónsdóttur sendir Herðubreið ástvinum hennar hugheilar kveðjur.