Myrkur fyrir fórnarlömb þjóðarmorðs

 

Í dag minnast menn þess að hundrað ár eru liðin frá því að þjóðarmorðin á Armenum hófust. Armenar hafa barist fyrir því að alþjóðasamfélagið viðurkenni að þessi hildarleikur hafi átt sér stað. Tyrkir hafa barist gegn því.

Á Alþingi hafa þrjár þingsályktunartillögur þess efnis að Alþingi viðurkenni þjóðarmorðin og fordæmi þau litið dagsins ljós. Ég flutti tvær þeirra en nú hafa þingmenn allra flokka endurflutt tillöguna og ég vona að hún nái fram að ganga.

Í kvöld var slökkt á ljósunum sem venjulega lýsa upp Colosseum í Róm. Viðurkennum þjóðarmorðin og reynum að koma í veg fyrir að svona nokkuð geti gerst aftur.