Jónsmessa

Jónsmessa (sérheiti) = Jón sá, sem messan er kennd við, er reyndar þekktur undir allt öðru nafni.

24. júní er semsagt kallaður fæðingardagur Jóhannesar skírara, en Jóhannes er að stofni til sama nafn og Jón, Jóhann og önnur skyld.

Dagsetningin er hreinn skáldskapur. Þegar Rómverjar tóku upp kristni var fornri vetrarsólstöðuhátíð breytt í fæðingarhátíð Jesúsar, 24. desember.

Í Nýja testamentinu segir Lúkas að Jóhannes hafi fæðst hálfu ári á undan Jesúsi, og þar með breyttu Rómverjar hinni gömlu sumarsólstöðuhátíð í Jónsmessu, 24 júní.

Vegna reikningsskekkju í tímatali Rómverja eru báðar dagsetningar rangar, enda eru sumar- og vetrarsólstöður 21. júní og 21. desember.

Mörgum, mörgum öldum seinna lifir þessi þjóðtrú góðu lífi, og blandast raunar í daglegan pólitískan veruleika uppi á Íslandi. Þannig eru þeir til, sem kalla aðalaðstoðarmann forsætisráðherra Jóhannes útskýrara, en það er dónaskapur og líklega einelti, ef að er gáð.