Hentugleikasiðferði

Eyþór Arnalds er ekki bara þjóðkunnur bílstjóri, hann er líka framkvæmdamaður. Hann sat í stjórnum meira en tuttugu fyrirtækja þegar best lét hjá honum. Þegar hann fór í framboð í Reykjavík sem borgarstjóraefni Guðlaugs Þórs og Sjálfstæðisflokksins lofaði hann að segja sig úr stjórnum fyrirtækja. Ef marka má Vísi.is hefur hann sagt sig úr stjórnum 10 félaga, þar á meðal Árvakurs, útgáfufélags Morgunblaðsins, og Thorsil Holding sem ætlar að reisa kísilver í Helguvík.

Viðskiptablaðið hefur eftir honum að hann vilji “aðskilja mögulegan hagsmunaárekst-ur í aðdraganda kosninganna 26. maí. ”Ég geri það sem ég lofa”, segir frambjóðandinn, fánaberi siðferðis í Sjálfstæðisflokknum af auðmýkt og án oflætis.

En.

Þótt hann hafi ákveðið að ganga úr stjórn Thorsil Holding og Árvakurs er hann áfram eigandi, hluthafi, í þeim og mörgum öðrum, m.a. einhverjum félögum sem eiga byggingarlóðir í Reykjavík.

Hugmynd frambjóðandans um viðskiptasiðferði er sem sagt þetta: Það veldur ekki hagsmunaárekstrum fyrir stjórnmálamann að vera eigandi fyrirtækis ef hann er ekki í stjórninni.

Þetta hlýtur að mega teljast frumleg siðfræði og hentug fyrir bisnesmenn.