Er Kaninn að koma?

Í kvöldfréttum Sjónvarpsins 20.07.2019 var frá því skýrt að Bandaríkjaher og Nató ætli að fjárfesta fyrir 14 miljarða – fjögur þúsund miljónir króna – hér á landi á næstunni. Mest á Keflavíkurflugvelli. En einnig er ætlunin að lappa upp á gamlar og  úr sér gengnar ratsjárstöðvar á Vestfjörðum, Langanesi og á Stokksnesi. Á Vellinum ætlar bandarísi flugherinn meðal annars að koma upp gámaíbúðum fyrir eitt þúsund hermenn – 1.000 dáta.

Eftir að hafa heyrt þvílík tíðindi finnst mér að ég – og þúsundir annarra  Íslendinga –  eigi rétt á að spyrja:

Var þetta sönn og rétt frétt í Sjónvarpinu?

Ef svo er, hver heimilaði þetta og þvíumlíkt?

Af hverju er þetta gert (ekki reyna að halda því fram að það sé til þess að verjast hernaðarinnrás)?

Þarf Alþingi ekki að fjalla um svona freklega innrás í þjóðlífið og er ekki rétt að hafa þjóðaratkvæðagreiðslu um þvílíkt mál?

Svör óskast svo fljótt sem verða má. Það er að segja þegar í stað. Þau þurfa að vera undanbragðalaus, svörin.