Epla-Strokkur

Eftir Bjarka Karlsson

Túristanna tugmilljóna

tölt og brokk;

Ísagrund er undir sóla

á þeim flokk

þrammenda. – Hún þolir ekki

þetta sjokk.

 

„Ferðageirinn“ gildnar við sitt

greddurokk:

minjagripa- og matarsölu-

magnast -plokk

gróðinn setur gróður lands í

gapastokk.

 

Þess vegna er mér satt að segja

sama nokk

þótt einhver helli eplasafa

út í Strokk.

 

Bjarki Karlsson