Myndaalbúm Margrétar 08/08/2014

Af stolti

Gay Pride 2010 Reykjavik Iceland

 

Það gerist sennilega ekki oft á þessum síðustu og verstu að við Íslendingar söknum þeirra valdhafa sem hafa horfið af vettvangi stjórnmálanna. Það mun þó að öllum líkindum gerast á morgun. Borgarstjóri Reykjavíkur mun sennilega ekki standa á palli í Gleðigöngunni og vekja undrun og aðdáun viðstaddra. Koma okkur á óvart með frábærum skilaboðum sem fá okkur til að gera það sem er bæði svo dýrmætt og erfitt: Skipta um sjónarhorn og skoða málin upp á nýtt. Og þótt okkar ágæti nýi borgarstjóri myndi reyna yrði það sennilega meira vandræðalegt en sniðugt. Ég get ekki einu sinni ímyndað mér bæjarstjórann í Kópavogi í því hlutverki.

Jón Gnarr var ekki fullkominn borgarstjóri og kannski frestaði hann eða jafnvel kom í veg fyrir ákveðið uppgjör sem þurfti að fara fram í íslensku samfélagi með útúrsnúningi, fyndni og gleði. En sumt gerði hann svo miklu betur en allir aðrir. Barátta hans fyrir réttindum hinsegin fólks út um allan heim var eitt af því.

Sjáumst í göngunni!

 

Mynd: Jóhann Hansen

Myndaalbúm Margrétar
Myndaalbúm Margrétar

Latest posts by Myndaalbúm Margrétar (see all)

0,443