Og hún flaug

Árið er 1903, dagurinn er 17. desember. Þremur dögum fyrr höfðu bræðurnir Wilbur og Orville Wright reynt í fyrsta sinn að fljúga vélknúinni flugvél. Árangurinn var ekki glæsilegur, flugferðin tók aðeins þrjár og hálfa sekúntu, vélin flaug 30 metra áfram og komst upp í fjögurra og hálfs metra hæð áður en hún féll niður og skemmdist lítillega. Þeir bræður voru sammála um að þessi tilraun hefði ekki heppnast. Þann 17. desember var komið að því að reyna aftur og þá tókst það, þrátt fyrir að veðuraðstæður væru ekki þær bestu. Fyrsta flugferðin tók 12 sekúntur og vélin flaug 36 metra og það var Orville sem flaug félinni. Þennan sama dag fóru þeir bræður þrjár ferðir til viðbótar. Þú þriðja heppnaðist best, vélin flaug 260 metra á 59 sekúntum. Í þeirri fjórðu skemmdist hún örlítið og urðu þeir bræður að láta staðar numið þennan dag.