Ingi Rúnar Eðvarðsson 24/04/2015

Makrílkvóti, vanhæfi og traust Alþingis

AlþingiFréttir dagsins um vinnu við úthlutun makrílkvótans á þingi hafa vakið mikla athygli. Kvótakerfið er mjög umdeilt og  sitt sýnist hverjum um ágæti þess. Við útdeilingu aflaheimilda hefur verið byggt á veiðireynslu útgerða (en ekki sjómanna). Þar gildir jafnræðisreglan – allir útgerðir sem hafa aflað sér veiðiheimilda eiga rétt á úthlutun. Um það er ekki ágreiningur, svo fremi að við sættum okkur við núverandi kvótakerfi. Þar er ekkert óeðlilegt við fréttir dagsins, svo fremi að allir sitji við sama borð.

Það sem vekur verulega athygli er að einn þingmaður Framsóknarflokksins er tengdur útgerð fjölskylduböndum og fjallar um málið í atvinnuveganefnd. Samkvæmt lögum virðist hann ekki vanhæfur til að fjalla um málið. Það vekur upp spurningar um hvort endurskoða þurfi lög um vanhæfi þingmanna.

En hér vakna upp spurningar um siðferði og traust.  Taust Alþingis beið mikla hnekki eftir hrunið eins og lesa má um hér. Traust er flókið fyribrigði. Heiðarleiki, ráðvendni og hreinskilni eru mikilvægir þættir trausts. Fagleg vinnubrögð taka mið af þeim þáttum.

Ég hvet viðkomandi þingmann og þingheim allan að hafa orðstír Alþingis að leiðarljósi og leita allra leiða til að efla trú og traust almennings á Alþingi. Hagsmunagæsla í eignin þágu rúmast ekki innan þess ramma.

Ingi Rúnar Eðvarðsson
Latest posts by Ingi Rúnar Eðvarðsson (see all)
Flokkun : Efst á baugi, Pistlar
0,871