trusted online casino malaysia
Ingi Rúnar Eðvarðsson 07/10/2014

Framsókn og Facebook

Sigmundur Davíð

Ég á 580 vini á Facebook. Eins og gengur eru þetta fjölskylda og vinir, gamlir kunningjar en stærsti hópurinn eru þeir sem tjá sig um menn og málefni og eru áhugasamir um stjórnmál eins og ég. Mjög margir þeirra eru vistra megin við miðju. Ég get frætt ykkur á því að þessa dagana er Framsókn ekki hátt skrifuð hjá þessum vinum mínum. Andúð kemur upp í hugann, jafnvel heift. Ég ætla ekki að minnast á MS og Kaupfélag Skagfirðinga í þessu samhengi.

Afi minn var framsóknarmaður og ég var nokkur sumur í sveit. Því ber ég hlýjar taugar til Framsóknarsflokksins. Ég tel hann hafa villst af upprunalegri leið sem flokkur smábænda og verkafólks, en ég lifi í voninni að hann rati aftur heim. Ég veit sem er að innan flokksins er mikið af góðu fólki, en ég tel að flokkurinn eigi ansi slæma talsmenn þessa dagana.

En hvers vegna er ég að minnast á Framsókn? Jú það er nefnilega hættan við samfélagsmiðla að þar sönkum við að okkur fólki og skoðunum sem eru mjög lík okkar viðhorfum. Við sjáum bara eina hlið málsins. Þessi hætta er einnig falin í leit á Goole, Youtube og Amazon. Leitarvélar eru forritaðar þannig að þær læra á hegðun okkar og stinga upp á því sem okkur gæti líkað. Það elur enn frekar á þeirri hættu að við lítum á heiminn með einlitum glerjum.

Því er mikilvægt að stíga upp frá tölvunni og umgangast fólk á vinnustöðu, í félagsamtökum, kórastarfi, íþróttafélögum og víðar. Þar birtist margbreytileiki mannlífsins. Við gætum jafnvel hitt framsóknarfrömuð með hugsjón í hjartastað.

Latest posts by Ingi Rúnar Eðvarðsson (see all)
Flokkun : Pistlar
1,365