Bækur og bókaskattur
Bókvitið hefur sjaldan verið í askana látið hér á landi. Skáld og listamenn hafa löngum átt erfitt uppdráttar í landi þar sem yfirvaldið hefur salfisk og ál í hjartastað. Og nú hefur verið ákveðið að hækka virðisaukaskatt á bækur til að ,,einfalda“ skattkerfið. Þetta gerist í landi sem kennir sig við bækur. Bókaþjóðin. Á þessum tímamótum finnst mér tilhlíðanlegt að birta kvæðið Gamalt bænakver eftir Guðmund Frímann, skáld og bókbindara. Þetta fallega kvæði birtist í Bókbindaranum árið 1956.
bert frá ýmsu greina.
Kynslóðanna sorg og sæld
gamla, hrjáða bænabók,
blökk og þakin sárum,
firnalangan tíma tók
tylfing þín í árum.
Þín er líka saga sögð
senn er lokið ferli,
-aldagömlum erli –
óratíð að baki lögð.
Orðin ormafæða
ertu, morkinskræða.
Illa hafa árin velkt
um þig, skræðutetur,
rendur þínar tíminn telgt
til og máð þitt letur.
Þó er eins og yfir þér
einhver dularljómi.
Undir aldargrómi
inn í leyndarveröld sér
fulla af fögrum hljóðum,
furðum, helgum dómum.
Blöð þín fúin, blökk og þvæld
bert frá ýmsu greina.
Kynslóðanna sorg og sæld
svartir blettir leyna.
Hjá þér margur hrjáður fékk
harmabót, þegar nóttin
ríkti og örlaganóttin
inn að hjartanóttum gekk.
Það var þitt að græða,
-þjáða, gamla skræða.
Nú er orðið lítið úr
ytri fegurð þinni.
Átti við þitt fagurflúr
fuggan dárleg kynni,
sprunginn kjölur, spennslin týnd,
spjöldin flaka sundur,
-það eru engin undur:
aldrei var þeim miskunn sýnd.
Árin sverfa og sverfa,
senn er mál að hverfa.
Bráðum verðurðu borin á eld,
blakka skræðutetur,
eyðunginni ofurseld;
ekkert bjargað getur;
enginn framar um þig fer
elskuríkum höndum.
Vel á velktum röndum
vafurlogar hreykja sér,
gefa skorknu skinni
skreyting hinsta sinni.
Það er einlæg von mín að bókin lifi áfram þó svo að stjórnvöld fari ekki ,,elskuríkum höndum“ um hana þessa dagana.
- Hugleiðingar um samningamál - 16/10/2015
- Ísland, Færeyjar og unga fólkið - 26/07/2015
- Breytingar á fjölda starfa eftir hrun - 01/07/2015