Úlfar Þormóðsson 12/11/2014

„You‘ll be back“

 

Sjálfstæðisflokkurinn er rotinn. Hann er að morkna í sundur. Innanfrá.

Fyrsta nóvember átti að flikka upp á hann með því að kjósa honum ritara. Einskonar aðalritara. Það misheppnaðist algjörlega því að enginn hafði áhuga á vegsemdinni. Nema einn. Dýrasti þingmaður flokksins, sá sem enn neitar að gefa upp hverjir borguðu miljónatugi fyrir sæti hans á alþingi þó að honum beri að upplýsa það. En þeir eru ánægðir með hann, flokksbræður hans. Hann var að leika „ljótan pólitískan leik“. Taldi víst að annað tveggja embætta varaformanns flokksins yrði lagt niður með tilkomu ritara, Hanna Birna yrði sett í frystikistuna og hann á toppinn. Og þeir kusu hann með 83% atkvæða.

Hanna Birna

En svo steig Gísli Freyr fram, stal senunni og játaði upp á sig glæp sem kenndur hafði verið Hönnu Birnu í marga mánuði. Og gerði það á hárréttum tíma fyrir hana. Sólarhring síðar höfðu þingmenn Sjálfstæðisflokksins lýst yfir fullum stuðningi við hana og falið henni að sitja áfram í ríkisstjórn.Guðlaugur Þór ÞórðarsonGísli Freyr

Og flokksmenn kætast í hópum:  Jón Axel Ólafsson athafnamaður, Eyþór Arnalds stjórnmála- og tónlistarmaður,  Áslaug Arna Sigurbjörnsdóttir úr ungliðahreyfingu Fokksins lýsa yfir stuðningi við Gísla Frey. Og sjálfur niðurfellingareiknimeistari ríkisstjórnarinnar, Tryggvi Þór Herbertsson skrifaði á fésbókina:

„Öll él stytti(r) upp um síðir Gísli minn….You‘ll be back! Kveðja úr Sörlaskjólinu“

Og trúarsöfnuður, nátengdur Flokknum, tekur undir, trúfélag Gísla Freys, Fíladelfía. „Við stöndum með Gísla Frey og viljum sjá hann byggjast upp,“ sagði Aron Hinriksson, formaður stjórnar Fíladelfíusafnaðarins í samtali við Vísi í dag.

Skál í boðinu!

„You‘ll be back“ er kjörorð dagsins og það fer kítlandi eftirvænting um margan manninn við tilhugsunina um að komast í fundargerð hins orðhaga aðalritara flokksins þar sem atburðarás síðustu daga verður rakin. Og greind.

Úlfar Þormóðsson
Latest posts by Úlfar Þormóðsson (see all)
Flokkun : Pistlar
0,773