Sexgreining ríkisvaldsins
*** Ég tel misskilning þá útbreiddu kenningu að sjálfgefið sé að greinar ríkisvaldsins séu fyrst og fremst eða jafnvel aðeins þrjár – enda oft talað um þríþættingu eða þrískiptingu ríkisvalds eins og eitthvert mantra. Með því gleymist ekki aðeins sveitarstjórnarstigið sem fellur hvorki að formi né efni til vel undir neina eina af þessum þremur þáttum ríkisvalds sem oftast eru nefndir; sveitarstjórnir fara með mikilvæga umsýslu sem stendur borgurunum mjög nærri og skrýtið að gleyma því í „þrískiptingu (ríkis)valdsins“. Þá gleymist einnig eftirlitshlutverkið sem gjarnan er að miklu leyti falið þjóðþinginu og stofnunum þess (auk dómstóla, a.m.k. hérlendis); þar sem þjóðþingið er hér sem víðast í lýðræðisríkjum aðalhandhafi löggjafarvalds ruglast margir er þeir telja ranglega að eftirlit með framkvæmdarvaldinu sé þáttur í löggjafarvaldinu. Loks er fjárstjórnarvaldið – skattlagning og fjárveiting – augljóslega ekki í eðli sínu löggjöf – þ.e. reglur um háttsemi og skipulag – heldur þvinguð álagning til samneyslu og ráðstöfun í samneyslu; þó að skattar séu lagðir á með lögum er það ekki lögmál og árleg fjárhagsáætlun eða fjárhagsráðstöfun felur ekki í sér lög þótt hérlendis sé hún nefnd fjárlög.
Attorney & partner in VestNord Legal.
Akureyri & Reykjavík. Ármúla 6, IS-108 Reykjavík.
Attorney, mediator & lobbyist since 1998. MBA-HRM (2004) & diploma in mediation (2008). Former member of Constitutional Council & former Consumer Spokesman. Attorney for ICLU (Iceland's Civil Liberties Union). Among special areas of expertise: constitutional, HR, labour, public, resource & tort law.
- Sexgreining ríkisvaldsins - 01/02/2015
- Vopnamálið (II) - 05/11/2014
- Vopnamálið (I) - 29/10/2014
