Ritstjórn 16/04/2014

Pírati kemur út úr skápnum: EES er ígildi falsaðrar Gucci tösku

„Að skipta um skoðun er ekki auðvelt, hvað þá skoðun sem ég hef haft jafn lengi og afstöðu mína gagnvart ESB. Það krefst þess að viðurkenna fyrir sjálfum sér að maður hafði rangt fyrir sér og í þessu tilfelli í mörg ár.“Arnaldur

Þetta skrifar Arnaldur Sigurðarson pírati í grein í Herðubreið þar sem hann „kemur út úr skápnum“ sem Evrópusinni eftir að hafa verið öndverðrar skoðunar.

„Það sem fór þó kannski aðallega að ýta mér í átt að því að verða smám saman meiri fylgjandi inngöngu í ESB er ekki það að mér snerist skyndilega hugur um ágæti ESB. Það hefur meira að gera með þá hugsun að okkur er betur borgið með því að vera innan þess en utan. Eftir síðastliðnar kosningar hafa öfgarnar í kringum ESB umræðuna orðið svakalegar og það kom á einhverjum tímapunkti að ég hreinlega tengdi ekki lengur við það sem andstæðingar ESB voru að segja.

Sérstaklega eftir að þingsályktunartillaga um slit á aðildarviðræðum við ESB kom í dagsljósið hafa ESB andstæðingar verið svakalega duglegir að beyta falsrökum til að reyna að sýna fram á ágæti málstaðsins, aðeins til að fá þau afsönnuð bara nokkrum mínútum eftir að viðtöl birtast á netinu. Umdeilt viðtal við Vigdísi Hauksdóttur þar sem hún tjáði okkur að Malta væri ekki sjálfstætt ríki var vægast sagt hlægilegt.“

Grein Arnaldar er hér.

Flokkun : Efst á baugi
0,970