trusted online casino malaysia
G. Pétur Matthíasson 06/04/2016

Mótmæli munu halda áfram

Þessi nýja ríkisstjórn sem kynnt var í stiga í Alþingishúsinu eftir að svikinn stjórnarþingmaður hafði óvart ljóstrað upp um niðurstöðuna verðu ekki langlíf. Þetta er ekki gott. Allir vita að þetta er veik ríkisstjórn og þótt hún sé með 38 þingmenn á bak við sig er hún mjög tæp. Þetta veikasta sterkasta stjórn sem lýðveldið hefur átt. Það segir sína sögu.

5-6.000 mótmælendur mættu á Austurvöll í rigningu í dag. Það er mikið. Það er ekki að sjá að þessum mótmælum muni linna. Við viljum kosningar strax og það er bara ekkert mál að kjósa strax. Aðrar þjóðir kjósa á þremur vikum, við getum gert það líka. Undirbúningur afnáms hafta, sem allir eru sammála um, heldur bara áfram. Það er ekki nokkurt vandamál.

Vandamálið er stjórnmálamenn sem ríghalda í völdin löngu eftir að öllum er ljóst að þeir eiga að víkja. Það verður aldrei nein sátt um þessa ríkisstjórn og hún mun engan starfsfrið hafa. Og á ekki að hafa neinn starfsfrið — því þetta fólk á að sjá sóma sinn í því að víkja og leyfa okkur, leyfa þjóðinni að kjósa nýtt fólk. Enda hefur þessi ríkisstjórn staði vörð um hagsmuni kvótagreifa, auðmanna og hagsmunaafla hinna best settu og það er líka þess vegna sem hún er fallin.

Það var krafan á mótmælunum í dag, kosningar strax, ríkisstjórnina alla burt og það verður krafan áfram. Þessi ríkisstjórn er búin að vera, áður en hún sest við gamla borðið á Bessastöðum, það er nokkuð afrek í sjálfu sér.

Og stjórn sem gárungarnir segja um: „Stigamennirnir mynda Falson-stjórnina eftir fall Wintris-stjórnarinnar“ á ekki langt líf fyrir höndum. Því fyrr sem menn átta sig á því, því betra. Reiði formanns Sjálfstæðisflokksins í stiganum lýsti því vel á hvaða bláþræði þessi stjórn hangir.

GPM_4339

GPM_4341

GPM_4345 GPM_4348 GPM_4360 GPM_4366 GPM_4379 GPM_4380GPM_4390 GPM_4402 GPM_4408 GPM_4393GPM_4389

 

 

Flokkun : Pistlar
1,331