trusted online casino malaysia
Úlfar Þormóðsson 17/11/2014

Hrossakaup

 

Það var heitara á Austurvelli nú síðdegis en á fyrri fundum Jæja-mótmælanna. Mönnum mæltist vel og hátalarakerfið var í lagi. Þó að full mikið sé sagt að kviknað hafi í fólki er alveg ljóst að það fóru neistar um völlinn. Aðstandendum mótmælanna hafi vaxið fiskur um hrygg. Það er ánægjulegt. Það vekur vonir um áframhald og árangur. Og það var ekki aðeins verið að mótmæla setu Hönnu Birnu í ráðherrastóli. Það var verið að stræka á stefnu stjórnarinnar, mótmæla lygum, undirferli og gælum við auðmenn.

Hestar

Þessa daga standa yfir hrossakaup milli ríkisstjórnarflokkanna og innan þeirra. Formaður Framsóknarflokksins vill setja utanþingskonu í ráðherrastól til þess að punta upp á útlitið. Hann er reiðubúinn að styðja áframhaldandi setu Hönnu Birnu í stjórninni til þess að fá þetta fram. Hanna Birna er draumadís öldungaráðs Sjálfstæðisflokksins, þeirra Davíðs Oddsonar, Björns Bjarnasonar og Geirs Haarde. En hún er svo völt í sessi að öldungarnir ráðast að matarskattinum, gera lítið formanni flokksins og reyna þannig að hræða hann frá því að svipta Hönnu Birnu ráðherradómi. Sigmundur Davíð tekur undir gagnrýni á matarskattinn til þess að skapa sér mildari ásýnd hjá þjóðinni og einnig til þess að halda í Hönnu Birnu því að þá á hann léttari leik í sínu ráðherratafli. Hagsmunir fólksins í landinu eru ekki til umræðu við þetta ráðslag. Þeir eru ekki einu sinni skiptimynt í braskinu.

Afar margt hefur verið sagt um matarskattinn. Eitt hefur þó aldrei verið rætt. Fullyrðing fjármálaráðherra um að það sé nauðsynlegt, það sé grundvallaratriði, að minnka bilið á milli lægra söluskattsþrepsins og þess hærra. Hann tönnlast á þessu, ráðherrann, í tíma og ótíma, en rökstyður það aldrei. Og engin spyr: Hvers vegna er svona nauðsynlegt að minnka muninn á milli söluskattsþrepanna?

Úlfar Þormóðsson
Latest posts by Úlfar Þormóðsson (see all)
Flokkun : Pistlar
1,340