Ritstjórn 08/04/2014

Grænar og bláar krumlur: Allt rangt við að maður í þessari stöðu verði fréttastjóri Ríkisútvarpsins

Það gefur augaleið að aðstoðarmaður sjávarútvegs- og landbúnaðarráðherra kemur síðastur umsækjenda til greina í starf fréttastjóra Ríkisútvarpsins.Benedikt og Friðrik

Þetta er niðurstaða Friðriks Þórs Guðmundssonar, blaðamanns og kennara í fjölmiðlafræði við Háskóla Íslands í grein í Herðubreið.

Friðrík Þór á þarna við Benedikt Sigurðsson, einn umsækjenda um starfið. Hann var áður aðstoðarmaður Sigmundar Davíðs Gunnlaugssonar formanns Framsóknarflokksins.

Friðrik Þór skrifar:

„Það er allt rangt við að maður í slíkri stöðu verði fréttastjóri RÚV. Hann er vegna þessara starfa ekki með traust og trúverðugleika sem nauðsyn er á. Hann verður sí og æ álitinn pólitísk sending og hagsmunagæslumaður, frekar en faglegur prinsippmaður.

Fréttamenn á RÚV munu alltaf hafa bakvið eyrað þessi tengsl slíks nýs yfirmanns og það mun oftar en ekki skyggja á möguleg gömul kynni og fyrri fagleg störf. Ef tortryggnin er ekki næg fyrirfram þá mun fljótt allt fara í háaloft þegar slíkur nýr fréttastjóri fer af braut faglegra prinsippa til að gæta hagsmuna tiltekins stjórnmálaflokks og vinveittra ráðherra.

Meðal umsækjenda eru minnst 4-5 aðrir sem klárlega koma til greina og hafa ekki slíkan stimpil á sér sem gera þá ótraustvekjandi og ótrúverðuga. Hér ber að hafa fagleg prinsipp í heiðri en halda frá illa lyktandi grænum og bláum krumlum.“

Grein Friðriks Þórs er hér.

Flokkun : Efst á baugi
0,833