Úlfar Þormóðsson 23/09/2014

Frelsarinn

 

Forseti Íslands er eitt af undrum veraldar. Nú er hann til sýnis vestur í USA og heldur ræðu um snilli sína. Nokkuð sem umheimurinn má ekki fara á mis við.

 

Vísir.is vitnar til Dagens Industri sem skýrir frá ræðu forsetans. Þar segir „að þrátt fyrir takmörkuð völd embættisins, þá hafi það ekki komið í veg fyrir að forsetinn ákveði að tala fyrir nokkrum þeim úrræðum sem hann telji að hafi einna helst orsakað að Ísland hafi náð sér út úr kreppunni.“ Og síðan er bein tilvitnun: „Þú verður að hafa vilja til að fara gegn ráðandi hugmyndum um hvað krefst til að ná árangri.“

Dagens Industri hefur eftir forsetanum að íslenska leiðin hafi orðið fyrir valinu þrátt fyrir varnaðarorð og ráðleggingar sérfræðinga og annarra landa. Og síðan orðrétt eftir hugsuðinum:

Það hefur nefnilega verið blessun að þessi stóri bankageiri sé horfinn. Sú mikla sköpunargáfa sem var áður læst inni í húsum fjármálafyrirtækja hefur leitað annað þar sem hún hefur gert meira gagn.“

Nú er það sum sé orðið ljóst að það var forsetinn, herra Ólafur Ragnar Grímsson, sem bjargaði því sem bjargað varð í Hruninu.

Úlfar Þormóðsson
Latest posts by Úlfar Þormóðsson (see all)
Flokkun : Pistlar
2,025