trusted online casino malaysia
G. Pétur Matthíasson 15/03/2015

Enginn bilbugur á átta þúsundum

GPM_8730

Austurvöllur 15. mars 2015

Það var verulega góð stemming á Austurvelli á heldur nöprum sunnudegi. Það var hiti í ræðumönnunum fjórum þótt vissulega finndist þeim og okkur hinum líka að það væri búið að flytja þessar ræður allar áður.

Niðurstaðan eiginlega sú, að þrátt fyrir allt, sé rétt að minna stjórnvöld á það enn og einu sinni að Ísland er lýðræðisríki — því það eru engu líkara en að þeir hafi gleymt því, eða skilji ekki hvað í því felst. Það ber ekki bara að virða lýðræði heldur líka að fara eftir hinum lýðræðislegu reglum.

Líkt og síðasta vor þá var það líka gengum gangandi þema á Austurvelli í dag að menn og þá ekki síður stjórnmálamenn, ættu að standa við og efna loforð sín. Það er eiginlega með ólíkindum að hlusta á núverandi stjórnarherra á hröðum flótta undan eigin loforðum. Flótta sem hefur staðið í heil tvö ár en samt er menn enn á harðahlaupum. Átta þeir sig ekki á því að þeir eru á fleygiferð? Ferð sem getur bara endað með ósköpum.

Bréfið sem Gunnar Bragi og Ólafur Ragnar og Einar Kristinn töltu með inn í eldhafið í Evrópusambandinu brann ekki en er jafn óskiljanlegt brunnið eða heilt. Komið var inn á það á fundinum hvílík hneisa það er fyrir íslenska þjóð að jafn illskiljanlegt, torrætt og heimskulegt bréf hafi verið sent í okkar nafni. Það er nefnilega eitt að þessir háu herra sýni eigið kunnáttu- og viskuleysi hér innanlands en það er allt annað þegar þeir láta okkur öll líta út einsog heimskingja á viðrðingasramkomum erlendra ríkja. Þá eiginlega tekur steininn úr.

En það er of seint að breyta því. Átta þúsund manns hið minnsta á Austurvelli reyndu í dag að segja hátt og skýrt – „þeir gerðu þetta ekki í okkar nafni“. Vissulega berum við ábyrgð á því að hafa kosið þá til valda en við erum ósammála þeim og þeir gera þetta ekki fyrir almannahagsmuni heldur sérhagsmuni og því miður þá eru tvö ár þangað til lýðræðið leyfir okkur að henda þeim út úr stjórnarráðinu. Þangað til ætlum við að styðja lýðræðið með orðum okkar og veru á Austurvelli. Og ekki bara styðja það heldur bjarga því frá mönnum sem skilja lýðræðið jafn illa og þeir eru pennafærir bréfritarar.

Hér er ræða Illuga Jökulssonar.

Ræða Guðrúnar Pétursdóttur.

Ræða Jónu Sólveigar Elínardóttur.

Ræða Jórunnar Frímannsdóttur.

GPM_8751

GPM_8796

Flokkun : Pistlar
1,311