Úlfar Þormóðsson 20/08/2014

Eitt galopið bréf

Þetta er bréf til þín Árni Þór Sigurðsson fyrrverandi alþingismaður.Árni Þór Sigurðsson

Ég, því ekki get ég sagt við, sökum þess að ég hef ekki rætt þessi skrif við nokkurn mann, ég ætlaði ekki að gera þetta. En ég fæ ekki frið fyrir sjálfum mér.

Ég varð miður mín þegar ég sá það á netmiðli fyrir hálfum öðrum sólarhring að þér stæði til boða að þiggja þingfarakaup, 630 þúsund krónur í 5 mánuði, þar til þú verður sendiherra 1. janúar næst komandi. Og það kom ekkert fram um það í fréttinni að þú ætlaðir að afþakka þetta þó að líkur bendi til þess að þú vinnir upp launatapið á einu ári eftir að þú ert orðinn sendill. Að taka við rúmum þremur miljónum fyrir að hætta í vinnunni við þessar aðstæður er græðgi.

Það er það og það er þannig.

Það sæmir þeim ekki, að gína við slíkri greiðslu, sem lýst hefur sig sósíalista og sagst berjast gegn spillingu, nema hann hafi ekki skilið orð sín eða ekki meint neitt með þeim. Það rýrir manngildið.

Skaðinn er þó ekki allur skeður enn. Þú gætir afþakkað peninginn.

Úlfar Þormóðsson
Latest posts by Úlfar Þormóðsson (see all)
Flokkun : Pistlar
1,733