trusted online casino malaysia
Ritstjórn 09/04/2014

David Moyes er miðlungs heildsali. Vélarvana skip rekur til hafs

Stórlið Manchester United féll í kvöld úr keppni í Meistaradeild Evrópu eftir tap gegn Bayern Munchen. Þar með eru úr sögunni allir möguleikar liðsins á einhvers konar titli á leiktíðinni, hinni fyrstu undir stjórn hins umdeilda Davids Moyes.MU

Sérlegur fótboltafræðingur Herðubreiðar, Sparkhéðinn, hefur þegar dæmt Moyes til vistar á þar til gerðri stofnun, og við sama tón kveður hjá þeim sem Herðubreið ræddi við í kvöld. Þorsteinn Joð Vilhjálmsson rammar inn skoðanir þeirra með sínum hætti:

„Ferli Moyes hjá Man. Utd. lauk þegar borðinn með Chosen One var hengdur upp á Old Trafford. Þetta er miðlungs heildsali á íslenskan mælikvarða, tók við stórliði sem mallar um miðja deild.

Meira að segja íslenska ríkisstjórnin spilar betur en Utd., eða nei annars, þetta eru taplið hvorttveggja, vélarvana og rekur til hafs.“

Herðubreið tókst að finna einn stuðningsmann United sem er öndverðrar skoðunar. Björn Valur Gíslason skipstjóri var spurður hvort reka ætti Moyes núna eða bara strax, og hann hafði þetta fram að færa:

„Spurningunni er hvorki hægt að svara með „já“ eða „nei“. Annað af tvennu kemur til; spurning er röng eða svarmöguleikarnir við annarri spurningu. Væri spurningin sú hvort ætti yfir höfuð að reka eigi David Moyes úr starfi er svarið örugglega „nei“. En það er ekki spurningin. En þó getur „nei“ verið gilt svar við spurningunni. Ef út í það er farið.“

Hafa ber í huga að sjálfur féll Björn Valur niður í næstefstu pólitísku deild í síðustu kosningum og ríkisstjórnin, sem hann studdi, niður í þá þriðju. Ef keppt væri þar.

Flokkun : Efst á baugi
1,383