Afmælið hans Illuga.

Fleiri í dag en í gær, þannig var það víst með mótmælin á Austurvelli í dag. Fá hundruð þegar allt var talið, flestir stoppa stutt við, en fjöldinn segir ekki allt, þótt það væru heldur fleiri. Fólk mætir einsog það getur til að hita upp fyrir stærri mannfagnað á laugardaginn þótt ekki verði neinu fagnað fyrr en þessi ríkisstjórn er farin frá og búið að boða til kosninga, og það strax.

 

Það er einfaldlega eina leiðin og því fyrr sem menn sjá það því betra. Afmælisbarn dagsins var í essinu sínu á olíutunnutrommunni. Hann Illugi, og ég held að ríkisstjórnin megi vita það að hversu margir eða fáir mæti á Austurvöll hverju sinni láta menn ekkert af því fyrr en búið er að boða til kosninga.

 

Við sem trúum á lýðræðið, og vitum að það snýst ekki bara að kjósa á fjögurra ára fresti heldur líka um það sem gerist árin þar á milli, treystum því að vanhæf ríkisstjórn sem fáir sem engir treysta og ljóst er að getur ekkert starfað, fari frá sem fyrst.