Skrítin og síðbúin svör ráðherra í lekamálinu. Hvers vegna vill Hanna Birna ekki tjá sig?

Af alkunnri og margítrekaðri sammvinnufýsi og sáttavilja, svaraði innanríkisráðherra fyrirspurn okkar Marðar Árnasonar um meintan leka á persónuupplýsingum um Tony Omos og fleiri á föstudaginn var. Ég fékk tilkynningu kl 20:50 um að svarinu hefði verið útbýtt og svo var þinginu slitið kl 22:24.  – Það gefst því tækifæri til að spyrja ráðherrann nánar um svarið þegar þingið kemur saman í september.

Þetta skrifar Valgerður Bjarnadóttir alþingismaður í grein í Herðubreið, þar sem hún fjallar um nýjustu upplýsingar innanríkisráðherra um lekamálið.

Valgerði þykir svarið bæði skrítið og síðbúið, eins og hún rekur í mörgum dæmum í greininni.

Ennfremur skrifar Valgerður:

„Að lokum segir í svarinu að ráðherrann eða aðrir geti ekki tjáð sig um málið á meðan rannsókn stendur yfir. Reyndar er ekkert sem bannar einum né neinum að segja eitthvað efnislega um málið, og reyndar er forvitnilegt hvers vegna ráðherrann kýs að gera það ekki.“

Sjá grein Valgerðar í heild hér.