Píratar þora meðan aðrir þegja

Meðhöfundur er Þórlaug Ágústsdóttir

Við Píratar fáum oft tækifæri til að vera stolt af okkar vinnu og hugsjónum. Það var sérstalega ánægulegt að vera Pírati í gær og fylgjast með þingmönnum okkar brillera á þinginu. Þrátt fyrir að ýmis misgóð frumvörp og þingsályktanir hafi verið samþykkt þá höfum við Píratar góða ástæðu til að fagna. Þegar við fórum út í kosningabaráttu fyrir Alþingiskosningar síðastliðið vor var eitt umdeildasta stefnumál okkar Pírata vafalítið stefna okkar í vímuefnamálum. Persónulega töldum við vímuefnanálgunina vera það stefnumál sem væri ólíklegast til að fá hljómgrunn inni á Alþingi. Við vorum því sérstaklega ánægð að fylgjast með umræðum á Alþingi í gær og sjá í kjölfarið þingsályktunartillögu Pírata um afglæpavæðingu vímuefna samþykkta.

Þessi sigur segir ýmislegt um einurð Pírata við að koma málum í framkvæmd. Píratar eru algjörlega óhræddir við að ræða mjög umdeild málefni eins og nýja nálgun á vímuefnaneyslu, friðhelgi einkalífsins og jafnvel klám fullorðinna einstaklinga. Það er því gott að hafa það í huga nú þegar við Píratar erum á fullu stími í kosningabaráttu til að raddir okkar eigi fulltrúa í sveitastjórnir landsins. Rétt eins og í Alþingiskosningunum höfum við gætt þess að vera ekki með nein stór kosningaloforð til að lenda ekki í því að geta ekki staðið við þau. Við einsetjum okkar að standa við stefnu okkar, og sigurinn í vímuefnamálum sýnir að jafnvel umdeildustu stefnumálin okkar eiga góðan möguleika á framgangi.

Píratar hafa takmarkaða þolinmæði fyrir átakastjórnmál þar sem aðal markmið sumra virðist vera að blammera og koma höggi á hinar fylkingarnar sem eru að bjóða fram. Við erum tilbúin að vinna með öllu góðu fólki að góðum málefnum og erum miklu hrifnari af upbyggilegum samskiptum í stað niðurrifs. Það hefur gengið mjög vel hjá þingmönnum okkar og munum við í sveitastjórnum halda þeirri góðu hefð áfram. Við erum reiðubúin að sigla Píratafleyinu í höfn með ykkar aðstoð, og hvetjum sem flesta til að mæta á kjörstað og nýta atkvæðisrétt sinn.

Lýðræðisumbætur síðustu ára þurfa að skila sér inn á öll stig samfélgsins og það er mikilvægt að í ár sé ekki minni þátttaka í sveitastjórnakosningum en í Alþingiskosningum. Píratar hvetja því alla, sama hvað viðkomandi ætlar að kjósa, til að mæta á kjörstað 31. maí og láta rödd sína heyrast.

• About
• Latest Posts

Arnaldur Sigurðarson

Ég er nemi við Háskóla Íslands að læra félagsfræði og fjölmiðlafræði. Ég er alþjóðabarn sem ólst upp á Íslandi, Danmörku og Frakklandi. Þegar ég bjó í Frakklandi var ég í breskum, alþjóðlegum skólaþar sem ég kynntist börnum og hugmyndum frá mörgum mismunandi og ólíkum löndum. Frá því að ég var barn hef ég verið mikill vísindanörd. Ég kynntist internetinu 1995 og hef varla hætt að nota netið síðan. Ég bauð mig fram á lista Pírata í síðastliðnum Alþingiskosningum og var þá í 5. sæti í Reykjavíkurkjördæmi suður. Einnig sit ég í stjórn Young Pirates of Europe. Á síðasta ári tók ég það að mér að vera frambjóðandi til borgarstjórnarkosninga fyrir hönd Pírata og var þar í 4. sæti. Í kjölfarið tók ég við sæti sem áheyrnarfulltrúi í skóla- og frístundaráði.

Latest posts by Arnaldur Sigurðarson (see all)

• Berjumst gegn hatri með tjáningarfrelsi - 14/01/2015
• Veraldlegri jól takk - 12/12/2014
• Höfundarréttur og þungarokk - 24/11/2014