Sparkhéðinn 10/12/2014

Peter skinnvefja

Peter CrouchHérna er gaur:

„Hann var hár maður og mjór, og langt upp klofinn, handsíður og liðaljótur, og hafði mjóa fingur og langa, þunnleitur og langleitur, lágu hátt kinnarbeinin, tannber og tannljótur, úteygður og munnvíður, hálslangur og höfuðmikill, herðalítill.“

Ég hef aldrei spilað við hann. Eins gott fyrir hann. Lítur út einsog eldspýta sem brotnar áður en kviknar á henni.

En hann er góður, einsog hér segir:

„Frár var hann og fimur við hvaðvetna, örúðugur og erjusamur, og hollur við hvaðvetna þeim er hann þjónaði.“

Hvort sem heitir Liverpool eða Stoke.

En hvaða rugl er þetta samt?

Einhver þarf að svara þessu: Hvað er Peter Crouch að gera í Bárðar sögu Snæfellsáss og hvers vegna gengur hann þar undir nafninu Þorkell skinnvefja?

Flokkun : Pistlar
1,546