trusted online casino malaysia
Sparkhéðinn 03/01/2016

Selja Árna Pál. Ókei þá: Gefa hann

Núna í félagaskiptaglugganum sýnist mér liðin þurfa að grípa til þessara ráðstafana:Alþingi

Björt framtíð
Erfitt. Langneðst í deildinni. Halda Óttari Proppé um sinn. Hann gæti enn orðið Rooney. Selja sem mest af hinu.

Reyna að koma Róberti og Guðmundi í verð. Jafnvel í japanska sjálfsmorðsbíómynd. Þeir eru Neville-bræður síns tíma.

Vantar stræker. Bjóða í Helga Hrafn. Eða Birgittu.

Framsóknarflokkurinn
Selja Frosta. Passar ekki inní skipulagið. Oft einn með boltann útá kanti og missir hann. Of mikill Balotelli.

Lána Eygló, of lin í sókninni. Minnir á Sturrdige á slæmum degi.  Setja Vigdísi á bekkinn. Skipta henni inná eftir kosningar.

Píratar
Breyta sem minnstu. Helgi Hrafn er Vardy flokksins, skorar og skorar.

Mætti þó selja Birgittu til Bjartrar framtíðar. Þau borga vel fyrir hvað sem er.

Samfylkingin
Selja Árna Pál. Ókei þá: Gefa hann, ef einhver vill taka við honum.

Halda fast í vörnina, Össur, Valgerði og Möller. (Muna samt að nota Möller bara á heimavelli.) Össur er Ivanovich Samfylkingarinnar.

Geyma Sigríði Ingibjörgu á bekknum. Of mörg sjálfsmörk.

Sjálfstæðisflokkurinn
Selja Jón Gunnarsson. Framsókn vill kaupa. Vantar gamaldags grófan ytri kantmann. Gæti orðið annar Joey Barton.

Læsa Ásmund Friðriks inní næstu múslimistakirkju.

Á bekknum varanlega: Hanna Birna, Illugi og Ragnheiður Elín. Slæmt karma.

Vinstri græn
Selja ekkert eða kaupa. Það er kapítalismi.

Senda Katrínu á Bessastaði. Veðja á Björn Val. Fær mörg gul spjöld, en skorar grimmt.

Færa Bjarkey framar á völlinn og láta hana taka vítin. Það er stræker í henni eins og Nistlerooy. Hvíla Steingrím þangað til í uppbótartíma. Hann er jú Eiður Smári vinstri grænna.

Flokkun : Pistlar
1,313