Ritstjórn 21/10/2015

Nýr varaformaður í VG talinn myndu útiloka forsetaframboð Katrínar

Stór hópur fólks innan Vinstri hreyfingarinnar – græns framboðs hefur skorað á Daníel Hauk Arnarsson að gefa kost á sér til varaformennsku í flokknum á flokksþinginu um næstu helgi.Katrín Jakobsdóttir

Daníel hefur ekki svarað kallinu, en viðmælendur Herðubreiðar innan VG telja kosningu á milli hans og núverandi varaformanns, Björns Vals Gíslasonar, geta orðið tvísýna, komi til hennar.

Daníel er 25 ára gamall, hefur litla pólitíska reynslu og á ekki langa sögu innan flokksins. Hann er þó vel liðinn og talinn munu breyta ásýnd hans nái hann kjöri.

Heimildir Herðubreiðar segja einnig að formanni flokksins, Katrínu Jakobsdóttur, sé ekki skemmt vegna þessara vendinga og komi þar einkum tvennt til.

Annars vegar vilji hún að forysta flokksins endurspegli áfram ákveðna breidd, en að hann hafi ekki ásýnd menntamannaflokks á höfuðborgarsvæðinu. Hins vegar geti þessar hræringar haft veruleg áhrif á hugsanlegt forsetaframboð hennar.

Margir hafa skorað á Katrínu að bjóða sig fram til forseta. Hún hefur ekki aftekið það, heldur bíður eins og aðrir eftir að sitjandi forseti tilkynni um fyrirætlanir sínar í nýársávarpi.

Komi til þess að Daníel Haukur verði varaformaður flokksins er talið útilokað að Katrín gefi kost á sér í forsetakjöri enda yrði hún þá þegar að segja af sér sem formaður og varaformaður tæki við. Viðmælendur Herðubreiðar í hópi þeirra, sem hafa skorað á Daníel Hauk, höfðu aðspurðir ekki velt þessum möguleika fyrir sér.

Þetta eru þeir sem skrifuðu undir áskorunina:

Anna Margrét Arnarsdóttir – Arndís Soffía Sigurðardóttir – Auður Lilja Erlingsdóttir – Andrés Rúnar Ingason – Ágúst Arnórsson – Ármann Jakobsson – Árni Steinar Þorsteinsson – Benóný Harðarson – Bjarki Þór Grönfeldt – Bjarni Þóroddsson – Bjartur Steingrímsson – Björk Emilsdóttir – Björn Reynir Halldórsson – Daníel Birgir Björgvinsson – Drífa Snædal – Eva Dröfn H. Guðmundsdóttir – Eva Hrund Hlynsdóttir – Eyrún Fríða Árnadóttir – Gísli Garðarsson – Grímkell Gollino – Guðlaug Úlfarsdóttir – Gyða Dröfn Hjaltadóttir – Halla Sigríður Steinólfsdóttir – Halldóra Lóa Þorvaldsdóttir – Heimir Björn Janusarson – Helgi Hrafn Ólafsson – Hermann Arason – Hildur Friðriksdóttir – Hildur Lilliendahl Viggósdóttir – Hlédís Maren Guðmundsdóttir – Hlynur Hallsson – Hulda Hólmkelsdóttir – Iðunn Haraldsdóttir – Ingimar Karl Helgason – Ingólfur Eiríksson – Ívar Vincent Smárason – Jana Salóme Jósepsdóttir – Jón Axel Sellgren – Jón Örn Loðmfjörð Arnarsson – Jovana Pavlovic – Júlíus Andri Þórðarson – Kári Emil Helgason – Karitas Rán Garðarsdóttir – Margrét Buhl – Margrét Erla Þórsdóttir – Níels Alvin Níelsson – Ólafur Björn Tómasson – Ragnar Auðun Árnason – Ragnhildur Ásta Valsdóttir – Rakel G. Brandt – Saga Garðarsdóttir – Sara Mansour – Sara Stef. Hildardóttir – Sesselja Traustadóttir – Sigríður Stefánsdóttir – Sigrún Birna Steinarsdóttir – Silja Snædal Pálsdóttir – Sindri Geir Óskarsson – Snæfríður Sól Thomasdóttir – Sóley Björk Stefánsdóttir – Sóley Tómasdóttir – Stefán Elí Gunnarsson – Steinarr Bjarni Guðmundsson – Steinunn Rögnvaldsdóttir – Sunna Snædal – Svavar Knútur Kristinsson – Þórdís Dröfn Andrésdóttir – Una Hildardóttir – Valgerður Fjölnisdóttir – Védís Huldudóttir – Þorsteinn Ö. Björnsson – Þorvaldur Örn Árnason – Þóra Geirlaug Bjartmarsdóttir.

Flokkun : Efst á baugi
0,813