trusted online casino malaysia
Ritstjóri Herðubreiðar 26/09/2014

Menningarleysið í snobbhill: Fólkið sem veit ekki hvar það á heima

KleppurNú frétti ég af einhverju fólki sem vill ekki skrýtið fólk í sitt hverfi… mitt hverfi. Eitthvað fólk í snobbhill vill ekki sjá fatlaða á almannafæri nálægt sér.

Þannig hefst áhrifarík grein Péturs Tyrfingssonar í Herðubreið.

Tilefnið er að Reykjavíkurborg hyggst reisa einnar hæðar hús við rætur blokkarinnar að Austurbrún 6, þar sem verða sex íbúðir fyrir fjölfatlað fóllk. Þessu hafa um 50 íbúar í nágrenninu mótmælt.

Rök þeirra eru meðal annars að ekki sé tækt að hafa „stofnun“ í íbúðabyggð, bílastæðum muni fækka og útsýni muni skerðast. Ennfremur og ekki síst að eignir þeirra muni lækka í verði.

Í greininni rifjar Pétur upp æsku sína í Kleppsholtinu, þar sem mannlífið var fjölbreytilegt – fjölskyldur iðnaðarmanna og verkamanna ólu manninn innan um geðsjúklingana á Kleppi og gamla fólkið á Hrafnistu. Síðar voru byggðar „bæjarblokkir – til dæmis að Austurbrún 6.

Hann segir andstöðu íbúanna í einbýlishúsunum ekki byggjast á fordómum, heldur menningarleysi:

„Viðhorf þessa fólks í holtinu byggist ekki á neinni fáfræði – þetta fólk vill einfaldlega ekki búa á meðal þeirra sem eru skrýtnir. Punktur.

Hvað er þetta þá, ef þetta eru ekki „fordómar“? Menningarleysi. Fullkomið menningarleysi og bjálfaháttur sem kemur ekki auga á hið fagra í mannlífinu. […]

Af hverju er þessi andstaða menningarleysi? Íslendingar eiga bara eitt orð yfir það sem forframaðri þjóðir taka tveimur hugtökum með tveimur samsvarandi orðum. Menning stendur bæði fyrir kúltúr og sivilasjón. Kúltúrinn snýst um hið fagra og sivilasjónin um réttinn, reisnina og mannvirðinguna.“

Grein Péturs Tyrfingssonar er hér.

 

Flokkun : Uncategorized
1,391