Ritstjóri Herðubreiðar 08/02/2016

Alþingismaður talar skýrt: Ekki viðunandi lífskjör nema með inngöngu í ESB

„Ekkert hefur gerst hér á landi eða í Evrópu sem breytir þeirri sannfæringu minni að við eigum samleið með öðrum Evrópuríkjum. Við munum ekki koma hér upp nútímalegu samfélagi fyrr enn það verður. Við munum ekki fá alvöru gjaldmiðil, ekki trúverðugt bankakerfi fyrr en við verðum hluti af stærri heild. Við getum ekki tryggt jafna stöðu fólks og fyrirtækja til að taka lán með viðráðanlegum vöxtum. Við munum ekki stöðva flutninga unga fólksins til útlanda fyrr en okkur tekst bjóða þeim nokkuð sambærileg lífskjör og þau geta sótt sér annars staðar.“Valgerður Bjarnadóttir

Þannig mælist Valgerði Bjarnadóttur alþingismanni í grein í Herðubreið sem hefur vakið mikla athygli.

Í grein sinni teiknar Valgerður upp stóra mynd, rekur helstu verkefni og viðfangsefni jafnaðarmanna, svo og þau gildi sem að baki liggja.

Hún segir einnig meðal annars:

„Í mínum flokki er eftirspurn eftir því að opinber umræða snúist um stefnu flokksins, jafnaðarstefnuna, en ekki stöðu formannsins. En svo er kannski líka svolítill ágreiningur um hvað jafnaðarstefnan snýst. Ég hlýt að viðurkenna að stundum finnst mér að fólk vilji að jafnaðarstefnunni fylgi stjórnlyndi eða forsjárhyggja. Eins og fólk viti ekki hvað því er fyrir bestu heldur eigi að gera þjóðfélagið þannig úr garði að fólk fari sér ekki að voða.“

Grein Valgerðar má lesa hér.

Flokkun : Efst á baugi
0,809