Ritstjórn 27/03/2014

Frosti fær kaldar kveðjur: Er enginn ánægður með þetta?

„Er enginn ánægður með þetta?“ spurði Frosti Sigurjónsson alþingismaður eftir viðbrögð við facebook-færslu þar sem hann fagnar því að skuldafrumvörp ríkisstjórnarinnar séu komin til umfjöllunar í þinginu.

„Góðar fréttir! Í dag var leiðréttingarfrumvörpum ríkisstjórnarinnar dreift á Alþingi. Aðgerðirnar munu ná til allt að 100 þúsund heimila og heildarumfang leiðréttingarinnar verður allt að 150 milljarðar,“ skrifaði Frosti í gærkvöldi, en viðbrögðin voru líklega önnur en hann reiknaði með.

„Hvernig getur það verið leiðrétting að leyfa fólki að greiða „forsendubrest“ með eigin sparnaði og framtíðarsköttum?“ spurði Pétur Fjeldsted.

(Mynd: frosti.is)

(Mynd: frosti.is)

Geir Sigurður Jónsson virðist eiga rétt á „leiðréttingu“ og bætir við: „Það eru blendnar tilfinningar við að taka við þessu – þegar lítur út fyrir að maður sé að taka út kaupauka sem skilur þá, sem þurfa meira á hjálp að halda, eftir í verðbólguaukningu og enn verri stöðu en þau voru í fyrir 110% leiðréttingu. Þið eruð soldið að treysta á að upper-middle klass tekjuhópar hugsi bara um ****** á sjálfum sér.“

Gauti Halldórsson hafði þetta til málanna að leggja: „EF ég fer á þing ætla ég að lofa að allir sem vilja mega borga allar sínar skuldir með sparnaði sem var ætlaður í upphafi að notast þegar fólk hættir að vinna, og þá get ég verið viss um að það eignast aldrei neitt því verðbólgan verður búin að éta allar eignir fólks, og lánin ekkert breyst.“

„Nota skattfé til að úthluta random-fólki peningum. Góð hugmynd, Frosti,“ sagði Hugi Þórðarson.

Spurning Frosta benda til þess að hann hafi undrast þessi og fleiri viðbrögð: „Er enginn ánægður með þetta?“ spurði hann. Og bætti við broskalli.

Flokkun : Efst á baugi
0,841