Ritstjórn 02/01/2015

Björn Valur: Framsóknarflokkurinn hefur nú yfirtekið DV

Eggert, XBFramsóknarflokkurinn hefur yfirtekið DV. Svo einfalt er það. Þetta fullyrðir Björn Valur Gíslason varaformaður Vinstri grænna í grein í Herðubreið.

Hann bendir á að Eggert Skúlason, nýráðinn ritstjóri DV, hafi lengi við einn af helstu pólitísku ráðgjöfum Björns Inga Hrafnssonar stjórnarformanns blaðsins, en hann er fyrrverandi borgarfulltrúi Framsóknarflokksins og aðstoðarmaður Halldórs Ásgrímssonar forsætisráðherra.

Þá rifjar Björn Valur upp að fyrir réttum áratug hafi Framsóknarflokkurinn, sem þá var í forystu ríkisstjórnar, boðið Eggerti að verða fréttastjóri Ríkisútvarpsins, en flokkurinn „átti“ fréttastjórastólinn samkvæmt helmingaskiptareglu hægri flokkanna. Eggert afþakkaði og leitaði flokkurinn þá annað.

Þeirri tilraun flokksins lauk með „fréttastjóramálinu“ svokallaða.

Flokkun : Efst á baugi
0,743