Ritstjóri Herðubreiðar 08/10/2015

Arion selur vildarvinum hlutabréf á undirverði. „Spilling sem verður að stöðva“

Sala Arions banka á hlutabréfum í Símanum til útvalinna vildarvina langt undir markaðsvirði er spilling sem verður að stöðva.Arion banki

Þetta segir Björn Valur Gíslason varaformaður Vinstri grænna í grein í Herðubreið.

Björn Valur vísar þarna til frétta Kjarnans (til dæmis hér og hér) þar sem fram kemur, að Arion banki hafi selt Orra Haukssyni forstjóra Símans og hópi annarra fjárfesta hlut í Símanum á genginu 2,5 í ágúst síðastliðnum. Skömmu síðar fengu sérstakir viðskiptavinir bankans að kaupa hlut í Símanum á genginu 2,8.

Nú í vikunni seldi bankinn enn frekari hlut í almennu útboði þar sem eftirspurnin var fimmföld og sölugengið almennt 3,4.

Þetta þýðir 36 prósent hækkun á genginu og þar með til dæmis, að 100 milljónir sem Orri Hauksson keypti fyrir persónulega eru orðnar að 136 milljónum á örfáum vikum.

Björn Valur minnir á, að ríkið er einn af lykileigendum Arions banka með þrettán prósenta hlut og að Bjarni Benediktsson fjármálaráðherra fari með hlutinn fyrir hönd almennings. Bjarni verði því að svara fyrir „sinn þátt í þessum vafningi,“ eins og Björn Valur orðar það.

 

Avatar
Latest posts by Ritstjóri Herðubreiðar (see all)
Flokkun : Efst á baugi
1,823