Úlfar Þormóðsson 16/11/2015

Vopnin kvödd eða kvödd

Það þarf hvorki að lesa langt né lengi í mannkynssögu til þess að komast að því að ofbeldi verður ekki leyst með ofbeldi. Vopnaðir lögreglumenn gera það ekki heldur.

Mbl.is flutti frétt nú í kvöld (16.11.´15) af dauðsföllum í Bandaríkjunum af völdum vopnaðrar lögreglu. Hér eru brot úr fréttinni:

(Mynd: Wikiped.)

(Mynd: Wikiped.)

The Coun­ted, rann­sókn­ar­verk­efni Guar­di­an, miðar að því að skrá­setja öll dauðsföll sem verða af völd­um lög­reglu í Band­ríkj­un­um árið 2015. Meðal þeirra atriða sem eru skráð eru kynþátt­ur, ald­ur og kyn hins látna, og hvernig dauða hans bar að. Það sem af er ári hef­ur lög­regla vest­an­hafs skotið 883 til bana. Þá hafa 47 dáið eft­ir að hafa verið skotn­ir með raf­byssu … Af þeim … sem nú hafa dáið voru 198 óvopnaðir, en í 59 til­vik­um er óvíst hvort viðkom­andi báru vopn.“

DV.is spyr lesendur sína þessa dagana eftirfarandi spurningar: Þurfa íslenskir lögreglumenn að bera byssur til að tryggja öryggi gegn hryðjuverkum? Þegar þetta er skrifað hafa 36,8% svarað spurningunni neitandi, 41,7% segja já við henni.

Þetta eru ógnvekjandi tíðindi vegna þess að nokkrar íslenskar ofurlöggur hafa verið að biðja um byssur um nokkurt skeið og ef könnun DV verður túlkuð sem skilaboð frá þjóðinni mun þess ekki langt að bíða að lögreglan gangi um með alvæpni. Það mun hafa sömu afleiðingar og annars staðar.

Gleymum því ekki að það er her og vopnuð lögregla í flestum löndum þar sem hryðjuverk eru frama. Líka í París. Þar tókst ekki að koma í veg fyrir voðaverk. Það mun seint eða aldrei takast með vopnum. Það er meðal annars þess vegna þarf að koma í veg fyrir að íslenska lögreglan verði látin ganga með skotvopn.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,809