Ritstjóri Herðubreiðar 08/04/2014

Vísir fékk hundruð milljóna ívilnanir frá hinu opinbera. Byggðakvóti og opinbert hlutafé

Fiskvinnsla Vísis á Þingeyri hefur fengið 1.300 tonn af byggðakvóta byggðarlagsins til vinnslu á síðustu 13 árum. Fyrirtækið byggir á grunni fiskvinnslunnar Fjölnis sem Byggðastofnun lagði til 100 milljónir í hlutafé, en það var síðar yfirtekið af Vísi.

(Mynd: Vefur Vísis hf.)

(Mynd: Vefur Vísis hf.)

Þetta kemur fram á fréttavefnum bb.is og reiknar blaðið heildarverðmæti þessa stuðnings upp á 450-700 milljónir.

Miðað við meðal leiguverð á þorsktonni frá árinu 2000, sem hefur verið um 170.000 kr. á tonnið, er byggðakvótinn búinn að vera rekstrarlegur stuðningur sem meta má á 11-17 milljónir kr. á ári eða á bilinu 130-190 milljónir frá árinu 2000 til dagsins í dag. Ef í upphafi hefði verið fjárfest í kvóta er stuðningurinn ígildi fjárfestinga að upphæð 150-240 milljónir króna,“ segir á vefnum og ennfremur:

„í ársreikningum Byggðastofnunar kemur fram að stofnunin lagði til félagsins 100 m.kr. í hlutafé í rekstur Fjölnis sem síðar var yfirtekið algerlega af Vísi. Ef tekið er tillit til verðlags og ofangreindra upphæða um verðmæti byggðakvóta og hlutafé er núvirt, þá má gera ráð fyrir því að opinberar ívilnanir og aðgerðir hafi numið um 450-700 m.kr. frá árinu 2002.“

 

Avatar
Latest posts by Ritstjóri Herðubreiðar (see all)
Flokkun : Efst á baugi
0,777