trusted online casino malaysia
Úlfar Þormóðsson 11/05/2015

Vigdísarvissa

 

Í sjónvarpsþættinum Eyjunni á Stöð 2, sem sendur var út í gær,10.05., undir stjórn Björns Inga Hrafnssonar, mættu þau Björn Valur Gíslason, varaformaður Vinstri grænna, og Vigdís Hauksdóttir, formaður fjárlaganefndar alþings til þess að ræða kjaramál og verkföllin sem nú standa. Björn Valur hefur lagt til að stjórnarandstaðan komi að lausn deilunnar með ríkisstjórninni vegna þess hve háalvarlegt ástand í samfélaginu er orðið og ljóst að landsstjórnin verði að koma málum og að leggja eitthvað til, en valdi ekki verkefninu.

Vigdís Hauksdóttir

Þegar stjórnandi þáttarins spurði Vigdísi hvað bæri að gera til þess að leysa deiluna svaraði hún því ekki. Vék ekki að því einu orði. Hins vegar tókst hún á flug og fimbulfambaði. Og sendi verklýðnum tóninn:

„Þá er ég fyrst og fremst að tala um þá aðila sem eru ríkisstarfsmenn og halda hér lífi sjúklinga í herkví, halda hér tveimur landbúnaðargreinum í herkví líka. Þetta er mjög alvarleg staða, og að opinberir starfsmenn skuli nota verkfallsréttinn, okkar heilagasta vopn, og velja út þessa viðkvæmu þætti.“

Þá fullyrti Vigdís að samkomulag hafa verið um að fara ekki í verkfall á meðan vinstri stjórn var við völd. Þegar þáttastjórnandinn spurði hana hver hafi gert það samkomulag svaraði hún að bragði:

„Það var þegjandi samkomulag, við vitum það alveg.“

Þetta er að sjálfsögðu rangt eins og svo margt annað sem hún sagði þessi háttsetti trúnaðarmaður Framsóknarflokksins og ríkisstjórnarinnar. Trúlega kemur framganga hennar þó fáum á óvart. Þar er ekkert nýtt á ferð. Nema ef vera skyldi þessa setning sem hún lét út úr sér í þættinum í bland við ásakanir og ósannindi:

„Það er betra að fara vel með sannleikann.“

Latest posts by Úlfar Þormóðsson (see all)
Flokkun : Efst á baugi
1,314