Viðskiptin efla alla dáð – bölsýnu menningarvitarnir hafa alltaf rangt fyrir sér

Varnarræða Halldórs Laxness fyrir Stalín og Sovétríkin, Gerska ævintýrið, hefur fengið endurspeglun í furðulegri bók um bjarta framtíð mannkynsins.

Þetta er niðurstaða Jóns Ólafssonar heimspekings um bókina Heimur batnandi fer eftir Matt Ridley, sem kom út nýlega.

Í bókinni færir Ridley rök fyrir því að framtíð mannkynsins sé björt og allra síst sé ástæða til að hafa áhyggjur af loftslagshlýnun. Spár um annað séu venjubundnar heimsendaspár „menningarvita“ sem hafi alltaf haft rangt fyrir sér. Mannkynið þurfti fyrst og fremst að einbeita sér að því að tryggja sem fjrálsust viðskipti.

Jón segir bókina hafa öll einkenni áróðursrits. „Sú staðreynd að í gegnum tíðina hafa verið til heimsendaspámenn eru engin rök fyrir því að gera lítið úr eða vísa á bug þeim niðurstöðum alls þorra vísindamanna að til lengri tíma séu loftslagsbreytingar af völdum hlýnunar, sem einkum stafar af koltvísýringsmagni í andrúmsloftinu, stórkostleg ógnun við allt mannkyn. Að halda öðru fram er álíka gáfulegt og að telja Stalín bjargvætt mannkyns.“

Sjá umfjöllun Jóns hér.