Varnaðarorð
Í gærkveldi (2.06.´17) sýndi Sjónvarpið kvikmyndina Nackt unter Wolfen, sannsögulega mynd sem sem látin er gerast í Buchenwald, útrýmingarbúðum nasista undir lok heimsstyrjaldarinnar síðari árið
1945.
Í myndinni var á áhrifaríkan hátt dregið fram það versta og það besta í manninum, hið lágkúrulegasta og hið göfugasta.
Við lifum á upplausnartímum sem eru gróðrarstía öfgahópa sem tala hátt um ást sína á landinu og hreinleika þjóða. Upplausn samfélaga hefur ærið oft leitt til styrjalda. Þetta er löngu vitað og haft eftir Lao Tze úr Kínverskri fornspeki: Þegar þjóðfélagið riðlast tala menn um föðurlandsást.
Undir áhrifum myndarinnar rifjuðust upp fyrir mér varnaðarorð, höfð eftir Mikhail Gorbachev, fyrrum forseta Sovétríkjanna:
„Í nútíma heimi verður að gera stríð útlæg því ekki er hægt að leysa þau alþjóðlegu vandamál, sem við stöndum frammi fyrir, með stríði – ekki fátækt, ekki umhverfismál, flóttamannavandann, fólksfjölgun eða skort á auðlindum.“
- Sálumessa - 02/07/2020
- Umhverfisvændi - 21/04/2020
- Er brennivínið besti kostur? - 26/03/2020