Ritstjóri Herðubreiðar 14/05/2015

Uppstigningardagur

JesúsUppstigningardagur (þjóðtrú) = eitt af hindurvitnum kristninnar, en nú almennur frídagur.

Samkvæmt frásögnum biblíunnar steig Jesús upp til guðs fjörutíu dögum eftir páska (og þar með dauða sinn og upprisu). Við þetta tækifæri kvaddi hann lærisveina sína, eftir að hafa vafrað um jörðina sem draugur í næstum sex vikur.

Helgi Hóseasson og fleiri tóku efir því að Jesús nærðist þessi dægur bæði af fiski og hunangi, að því er Lúkas greinir frá, og það varð Helga að yrkisefni:

Ésú hold við láð varð laust –

lagúldinn í framan –

til himna líkt og skrugga skautst

með skít og öllu saman.

Flokkun : Orðið
1,050