Ritstjóri Herðubreiðar 08/07/2014

Undur

Eftir Þorstein frá HamriÞorsteinn frá Hamri

Hvílík undur væru það ekki að vakna

inní dag sem opnaðist hreinn og nýr

með vott og ángandi gras þarsem fyrr voru flög

og rykmóar sem þú röltir með feigð í beinum –

hvílík undur væru það ekki að vakna:

vita daginn svo glaðan hreinan og nýjan;

sjá hann brosa við öllu úngviði heimsins;

og börn þín hlypu glöð útí þetta gras.

Þorsteinn frá Hamri (1938)

Flokkun : Ljóðið
0,768