trusted online casino malaysia
Ritstjóri Herðubreiðar 12/06/2014

Um hvað á samtalið að vera, Eygló? Um rétt fólks til trúariðkana? Það er ekki í boði

Eygló Harðardóttir hefur sagst vilja „taka samtalið“ um innflytjendur og siði þeirra. Það samtal ætti að snúast um hvernig við gerum líf þess sem best og bærilegast, ekki um rétt þess til trúar og trúariðkunar.Valgerður og Eygló

Þetta segir Valgerður Bjarnadóttir í grein í Herðubreið:

„Auðvitað er löngu tímabært að ræða af fullri alvöru hvernig við komum fram við og búum að fólki af erlendu bergi brotnu sem gerir okkur þann heiður að vilja byggja þetta land með okkur. Það samtal getur hins vegar aldrei orðið um trúarskoðanir fólksins, frekar en litarhátt þeirra eða kynhneigð.

Umræðan hlýtur að snúast um hvernig við gerum þeim lífið hér sem best og bærilegast, rétt eins og umræðan snýst um að gera okkur öllum lífið sem best og bærilegast.

Börnin þeirra þarfnast þjónustu sem börn okkar innfæddra þurfa ekki. Þeirra börn eiga rétt á að læra móðurmálið sitt, og þau þurfa meiri aðstoð en okkar börn – nú eða barnabörn – við íslenskunám.  Dýrmætum vinnukrafti er sóað því oft og kannski oftast fá fullorðnir nám sitt og áunnin réttindi ekki viðurkennd.  Og að sögn eru erlendir verkamenn gjarnan á lægstu töxtunum.

Þetta og margt fleira þurfum við að tala um, eða taka samtal um – til að nota orðalag Eyglóar. Við þurfum hins vegar ekki samtal um rétt nokkurs manns til trúariðkana.“

Sjá grein Valgerðar hér.

Flokkun : Efst á baugi
1,587