Úlfar Þormóðsson 28/12/2015

Tvískinnungur

Tvískinnungur einkenndi orð og gerðir fyrirmanna á árinu sem er að líða. Forsetinn talar. Fólkið heldur sig skilja hann og skrifar og ræðir um orð hans. Þegar þar er komið sendir hann gjarnan frá sér yfirlýsingu þar sem segir að ekki hafi verið rétt eftir honum haft eða að hann hafa ekki meint þetta sem í orðunum fólst heldur hitt; eitthvað annað. Forsetinn býr á Bessastöðum og borgar því líkast til skatt í Garðabæ. Konan hans á hins vegar lögheimili í Bretlandi og er skattgreiðandi þarlendis.

Miðilsfundur

Forsætisráðherrann er sama marki brenndur. Hann talar og skrifar en hefur mann á fullum launum við að skýra út hvað hann meinar. Það reynist furðu oft vera eitthvað allt annað en hann segir sjálfur; eins og honum sé ekki sjálfrátt og viti ekki hvað hann segir. Hann býr í Garðabæ, í húsi tengdaföður síns, hvílir sig á Nöf á Hofsósi, húsi tengdaföður síns, starfar í Reykjavík og á lögheimili í eyðibýli á Austurlandi. Líklega borgar hann fasteignagjöld og aðra skatta eystra.

Fyrir stuttu birtist frétt í Sjónvarpinu þar sem skýrt var frá því að tiltekin endurskoðunarskrifstofa hafi reiknað út hagkvæmni framkvæmdar nokkurrar og komist að því að hún væri þjóðhagslega hagkvæm. Á sama tíma tók sami kontór einnig að sér að reikna út óhagkvæmni framkvæmdarinnar fyrir annan aðila og komast að því að framkvæmdin væri þjóðhagslega óhagkvæm. Ekki kom fram í fréttinni hvort reikningar fyrir vinnu endurskoðendanna hafi verið jafnháir í báðum tilvikum.

Það er vísast gott fyrir manninn að hafa þetta í huga þegar hann leggur hlustir við árámótaboðskapnum sem ádynja fer næstu daga og bíða eftiráskýringa herranna áður en hann tekur afstöðu til orða þeirra.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
1,237