trusted online casino malaysia
Úlfar Þormóðsson 13/03/2019

Tríó örvæntingarinnar

Í fyrradag kvað Mannréttindadómstóll Evrópu upp dóm yfir réttarfarinu í landinu. Hann svipti hulunni af feysknum stoðum þess. Þess vegna brennur á þeim botninn, talsmönnum Sjálfstæðisflokksins, því það eru þeir sem lengstaf hafa haldið um og í pólitíska þræði dómsmálanna. Og gera enn. Þeir iða vegna dómsins og yfir hugsanlegum afleiðingum hans. Aka sér í takt, skrifa og tala einni röddu, samæfðri, upp úr sameiginlegri orðabók. Hæst lætur í þremur körlum, Tríói örvæntingarinnar.

Það er ekki ætlun pistlahöfundar að kryfja dóminn. Enn síður skrif tríósins eða orðræðu. Tilgangurinn er aðeins sá að benda á hverjir skipa það svo fleiri en ella geti fylgst með hvað frá þeim fer. Þeir eru í stafrófsröð:

Björn Bjarnason, dóms- og kirkjumálaráðherra frá 23. maí 2003 til 1. febrúar 2009, formaður Verðbergs, “eftirlaunaþegi.”

Davíð Oddsson, fyrrverandi forsætisráðherra, dóms- og kirkjumálaráðherra frá 11. maí til 28. maí 1999, ritstjóri Morgunblaðsins og “eftirlaunaþegi.”

Jón Steinar Gunnlaugsson, fyrrverandi hæstaréttardómari, starfandi lögmaður.

 

Nú um stundir koma þeir félagar fram daglega í blöðum, sjónvarpi og á netinu, einn hér annar þar. Sameinað kemur Tríó örvæntingarinnar hins vegar aðeins fram í Valhöll, en líka á fundum hjá Varðbergi. Fólk er hvatt til þess að opna augun og lesa það sem frá þeim fer og leggja eyrun að og hlýða á mál þeirra.

 

Latest posts by Úlfar Þormóðsson (see all)
Flokkun : Efst á baugi
1,585